Somos especialistas na terapia manual como principio para recuperar o teu benestar na medida do posible e para acelerar e acurtar os teus procesos de recuperación coa finalidade de poñer fin, dunha vez por todas, ás túas molestias ou lesións.
Para iso contamos con equipos de última xeración como os ecógrafos cos que nos axudamos para as terapias de fisioterapia invasiva ecoguiada.
Dende a nosa Área de Psicoloxía, do mesmo xeito que no resto das disciplinas que compoñen o Centro, buscaremos abordar o teu problema dunha forma global e integradora, tentando atopar sempre a orixe e tratándoo de raíz. Somos especialistas en Diversidade Neurolóxica, Terapia Familiar, de Parella e en Prevención da Violencia de Xénero.
En García e Lestón somos moi conscientes de que ese benestar e saúde que tanto buscamos comeza pola boca. Sabemos que as “dietas milagre” non existen e que as “dietas preconfiguradas” non teñen bos resultados na maioría dos casos. Entendemos a alimentación como un piar fundamental do teu día a día ao que hai que prestarlle especial atención e é por iso polo que nos adaptaremos a ti, necesitamos coñecerte e farémolo para poder entregarche un plan nutricional que se adapte a ti. Contamos con profesionais formados no ámbito da nutrición e, moi especialmente, na nutrición deportiva.
Se hai algunha das nosas novas áreas que estea intimamente vencellada á fisioterapia esa é a de Adestramento Persoal polo que, connosco, poderás focalizar as túas sesións de adestramento no que de verdade importa: a túa saúde.
Cunha sala multidisciplinar e específica adaptada para tal fin e a axuda do noso equipo, poderás desenvolver un modo de adestramento completamente centrado en ti. Cunha análise detallada do teu caso, tendo en conta as túas limitacións e abordándoo dun xeito integral, perseguiremos o obxectivo ata acadalo.