A práctica deportiva podémola realizar de múltiples xeitos, de forma individual ou con máis xente, cunha longa ou curta duración… Igualmente, hai persoas que só adestran en espazos exteriores e outras no interior, pero hoxe ímosvos falar dos beneficios destes dous tipos de adestramento e por que combinar ambos é o ideal.

Os exercicios outdoor abranguen o deporte realizado ao aire libre e as actividades organizadas nas que existe o contacto coa natureza.

Entre os beneficios desta práctica podemos destacar que:

 

• Non é estrita, podes modificala e facer múltiples variacións doadamente.
• O contacto coa natureza e respirar aire fresco e puro mellora o estado de ánimo e a motivación, á vez que diminúe os niveis de tensión.
• Presenta unha gran variedade de posibilidades como o ciclismo, running, patinaxe… e ata podes probar novos deportes!
• Permíteche gozar dun espazo bastante amplo, o que reduce o contacto con outra xente, recomendable na actual situación de pandemia.

 

Pola contra, o indoor ten lugar en espazos pechados onde os elementos externos non dificultan a súa realización e as ferramentas dispoñibles o complementan, ademais:

 

• Permite o adestramento específico sobre unha parte do corpo.
• Os resultados son máis efectivos ao traballar con obxectivos puntuais.
• Cantas veces viches pola ventá que chovía e deixaches o deporte para outro día? O clima non é un problema.

 

Xa coñecemos os beneficios destas dúas prácticas pero, aínda non estás seguro/a de como podes combinalas?

Nós recomendámosche empregar a outdoor como unha forma de gozar do aire libre e relaxarte vendo a paisaxe, complementándoa coa indoor ao carón dun adestrador/a persoal. O feito de ter profesionais á túa disposición permíteche realizar os exercicios que mellor se adapten a ti e traballar así dun xeito máis específico.

No Centro Integral de Saúde e Benestar García e Lestón contamos co mellor equipo profesional en adestramento persoal. Conseguiremos que facer exercicio non che dea preguiza nin o deixes para outro momento. A que estás agardando para comezar este camiño co mellor asesoramento?

As dores de cabeza, como as migrañas, poden causar molestias que chegan a durar horas ou mesmo días. No blog de hoxe amosámosche cales son as principais causas deste tipo de doenzas e como a fisioterapia pode axudar a remitilas.

O primeiro que debemos coñecer é que a migraña é unha enfermidade que padecen moitas persoas e cuxos síntomas poden presentarse de xeito frecuente. Caracterízase por ser unha dor aguda e punzante nun lado da cabeza ou en ambos, pero pode traer consigo outros efectos prexudiciais como náuseas, vómitos, sensibilidade á luz ou aos sons, vertixe ou mareos.

Ademais, ver puntos de luz, escintileos ou puntos negros poden ser indicativos de que imos sufrir unha migraña e preséntanse, normalmente, un pouco antes de padecer a dor de cabeza. Pon ollo a esta sintomatoloxía para estar alerta ante un posible gromo!

Por outra parte, é coñecido que as causas polas que podemos sufrir destas dores son variadas:

 

• Estrés.
• Menstruación.
• Falta ou exceso de sono.
• Antecedentes familiares.
• Cambios no clima: temperatura, vento, etc.
• Consumo de certos alimentos como chocolate, alcohol ou cafeína.

 

A fisioterapia axuda a recoñecer estas causas e a aliviar as dores e as molestias provocadas pola migraña. Algúns dos tratamentos máis comúns son:

 

• Osteopatía cranial.
• Corrección da postura mediante exercicios específicos ou tratamentos combinados con disciplinas como Pilates Terapéutico ou adestramento persoal.
• Liberación dos puntos de gatillo.
• Osteopatía estrutural, centrada nas cervicais.
• Técnicas viscerais en diafragma, estómago, colon, útero ou vexiga entre outros.

 

Como non podía ser doutro xeito, a nosa visión global e integral da saúde e do benestar lévannos a contarche tamén como combater a migraña a través da dieta. Evita a inxesta de alimentos con altos niveles de histamina coma o aguacate, o chocolate, a cervexa, o cava, o marisco ou o leite e os lacteos.

Se ti sofres dalgunha cefalea ou migraña recorda que en García e Lestón dispoñemos dun equipo de fisioterapeutas disposto a axudarche a combater esas dores e a alcanzar o teu benestar.

A fisioterapia é unha parte esencial no coidado do noso benestar, e é por iso que non debemos descoidar este tratamento nin nos momentos máis complicados.

Ante a situación pandémica que atravesamos é común que moitas persoas non poidan saír da súa casa, simplemente non queiran ou non lles sexa posible desprazarse con facilidade. A fisioterapia a domicilio é unha resposta lóxica e natural a este problema e permite que os grupos de risco da covid-19 poidan recibir un tratamento adecuado na comodidade do seu fogar. Por exemplo:

 

• Pacientes de cancro.
• Cun sistema inmune débil.
• Persoas de idade avanzada ou con problemas de mobilidade.
• Con diabetes ou obesidade.
• Con patoloxías respiratorios ou enfermidades cardíacas.

 

Recibir estes coidados na casa reduce a posibilidade de contraer o virus a todos estes grupos de risco, polo que a opción de fisioterapia a domicilio e na comodidade do fogar será unha máis de todas as respostas que estamos a dar, dende García e Lestón, ás necesidades que xorden a raíz da situación actual. Do mesmo xeito, esta modalidade de fisiotarpia é a mellor alternativa para persoas dependentes, con escasa mobilidade, con algunha discapacidade ou doentes de lesións ou operacións que precisen de repouso.

Que o/a fisioterapeuta poida levar un seguimento máis personalizado do paciente, que teña a posibilidade de coñecer e comprobar a súa rutina e proporcionarlle indicacións, que o paciente se sinta moito máis cómodo ou que se reduzan os tempos de recuperación ao deixar de lado o desprazamento ata a clínica, son só algúns dos múltiples beneficios que podemos atopar neste tipo de servizos.

Nestes momentos o coidado da túa saúde é máis importante que nunca, dende García e Lestón somos conscientes e por iso ofrecemos o noso servizo de fisioterapia domiciliaria para que nada te free e para facer da túa recuperación algo máis doado, seguro, rápido e eficaz. Porque o compromiso que temos establecido co benestar dos nosos pacientes non se vai romper con nada.

A bo seguro xa sabes que estamos compostos de neuronas que se conectan entre si para intercambiar mensaxes en forma de impulsos nerviosos. Mais, cando isto falla, que podemos facer?

A neuromodulación é unha técnica nova que, ademais de gardar moita relación co sistema nervioso, tamén pode tratar calquera patoloxía musculoesquelética, lesións crónicas ou mesmo a síndrome do túnel carpiano. Como se realiza? Grazas a unhas agullas.

Non tremas: vai sendo hora de que deixemos de asociar esta ferramenta á costura e que comecemos a normalizar o seu uso no mundo da fisioterapia. Aínda que son moitas as persoas que se asustan, é importante que saibas que se trata dun proceso indoloro e que non ten ningún risco para a túa saúde.

A técnica consiste en inserir unhas agullas (que poden ser tanto de acupuntura como unhas específicas) nos tecidos con danos e, a partir de aí, aplicar unha corrente eléctrica de frecuencia baixa. Trátase dun tratamento tan rápido coma seguro.

E o mellor é que os resultados non se farán agardar, xa que pouco despois da sesión comezarás a sentir beneficios como que diminúe a dor crónica, mellora a mobilidade, non ten efectos secundarios negativos e reduce (ou mesmo elimina) o uso de medicamentos.

Cómpre, ademais, destacar que en García e Lestón contamos con dúas ferramentas adicionais que nos permiten que cada incisión sexa aínda máis precisa:

• Empregamos un ecógrafo para ter unha vista completa do que imos abordar.
• Combinamos esta técnica co Pointer, un instrumento que une a súa función de buscapuntos coas de estimulación eléctrica e láser. Grazas a el pódese regular a sensibilidade de localización e a intensidade do impulso.

Se cres que estas técnicas se poden adaptar a ti, visítanos na área de fisioterapia do noso centro integral de saúde e benestar. Coma sempre, entrarás polas nosas portas cun problema e sairás cunha solución… e coa sorpresa de ter coñecido unha nova ferramenta moi útil.

Sabías que o estado da túa forma física é fundamental ante as complicacións que nos pode traer a covid-19? As restricións impostas dende o comezo da pandemia, tales como os toques de queda ou a distancia social, fixeron que moitas persoas descoidaran o seu benestar físico, polo que consideramos importante explicarche os beneficios da práctica de exercicio nestes tempos pandémicos.

A actividade física é fundamental para alcanzar un estado de saúde óptimo que nos permita loitar contra as infeccións que provoca o virus. Os expertos afirman que manter un bo estado físico axuda a previr certas condicións que están estreitamente relacionadas coa hospitalización e a mortalidade en pacientes da covid-19 como:

 

• Diabetes
• Obesidade
• Hipertensión
• Enfermidades cardiovasculares ou respiratorias

 

En concreto, un destes factores como é a obesidade, comezou a estenderse entre a poboación durante o período de confinamento. Certos estudos afirman que o 31% da poboación mundial aumentou de peso en 2020. Coa realización de actividade física moderada non só axudamos a fortalecer o noso sistema inmune, senón que tamén podemos evitar problemas de saúde como a obesidade ou calquera outra patoloxía relacionada con ese aumento de peso.

Con todo, non debemos excedernos á hora de facer deporte, posto que o exercicio extremo pode chegar a ser prexudicial para a nosa saúde. Ante todo e como en calquera aspecto da vida, sentidiño!

Neste proceso de mellorar o noso estado físico, tamén debemos ter en conta a nutrición. Unha alimentación saudable en combinación coa práctica de exercicio moderado son factores chave para o noso benestar, non tan só físico, se non tamén psicolóxico. O deporte axúdanos a sentirnos ben, a liberar a mente de preocupacións, a reducir o estrés e, en xeral, a evitar enfermidades psicolóxicas como pode ser a ansiedade, unha das patoloxías que máis están a xurdir neste período tan convulso.

En García e Lestón, grazas ó noso equipo de fisioterapeutas, adestradores e nutricionistas, podemos axudarche a alcanzar, dun xeito totalmente personalizado, unha boa forma física para que poidas loitar contra as adversidades da covid-19. Que nada te pare!